Është rritur numri i viktimave dhe i rasteve të reja me COVID-19 në Itali. Mësohet se në 24 orët e fundit janë regjistruar 10 viktima dhe 1397 raste të reja.
Shifrat e ditës së fundit janë më të larta krahasuar me ato të së mërkurës ku u regjistruar 1326 të infektuar dhe 6 viktima.
Autoritetet shëndetësore italiane raportojnë se janë kryer 92 mijë tamponë, pak më pak nga një ditë më parë kur testimet arritën në mbi 100 mijë.
Megjithatë, lajmi i keq vjen nga terapitë intensive ku 11 persona të tjerë janë shtruar në spitale për mjekim më të specializuar.
Ministria e Shëndetësisë raporton se që nga nisja e epidemisë në mbarë vendin janë kryer më shumë se 8.9 milionë testime.
