Vetëm ditën e djeshme 97 persona kanë humbur jetën nga koronavirusi në Kinë, ndërsa numri total i viktimave ka shkuar në 908 persona.
Sipas të dhënave, në të gjithë Kinën, 40.171 persona janë të infektuar ndërsa 187.518 janë nën vëzhgimin mjekësor.
Organizata Botërore e Shëndetit (OBSH) ka dërguar një ekip ekspertësh në Pekin për të ndihmuar në hetimin e virusit të ri. Sipas të dhënave kineze, 3,281 pacientë janë shëruar dhe kane dale nga spitali.
Këtë të hënë, miliona njerëz u kthyen në punë pas pushimit të Vitit të Ri kinez, i cili u zgjat nga 31 janari për të frenuar përhapjen e virusit. Por masat paraprake mbeten në vend, duke përfshirë orarin e punës, dhe rihapjen selektive të vendeve të punës.
Gjatë fundjavës, numri i vdekjeve të koronavirusit kapërceu atë të epidemisë Sars në 2003 i cili gjithashtu filloi në Kinë dhe vrau 774 njerëz në të gjithë botën.
OBSH të Shtunën tha që numri i rasteve të reja në Kinë ishte “duke u stabilizuar”, duke paralajmëruar se është shumë herët për të thënë nëse virusi kishte arritur kulmin./ Opinion.al
