Shtetet e Bashkuara shënuan numrin më të lartë të viktimave në një ditë të vetme, ndërsa mbi 1800 persona humbën jetën në 24 orët e fundit.
Bilanci i ri tragjik, e çon totalin e viktimave në vend në gati 13 mijë, sipas të dhënave të Universitetit “John Hopkins”.
Sakaq, në total numri i të infektuarve në SHBA ka arritur në 400 mijë banorë.
Në vend të parë si vendi më i prekur është New Yorku, me rreth 139 mijë të infektuar dhe 5489 viktima në total.
Në 24 orët e fundit, 806 pacientë humbën jetën në New York, duke shënuar sërish rekord për qytetin më të populluar të SHBA-ve. Guvernatori Andrew Cuomo paralajmëroi se po i afroheshin pikut dhe se spitalet e njësitë e kujdesit intensive ishin në gjunjë.
Pas New Yorkut, vendet më të prekura janë New Jersey, Michigan dhe California./Opinion.al
