Kryeministri Edi Rama ka reagua përsëri në lidhje me masat e marra në Shqipëri për koronavirusin.
Përmes një postimi në rrjetet sociale, Rama shprehet se koronavirusi nuk luftohet me politikë, ndërsa ka theksuar se vendi ynë ka marrë të gjitha masat e nevojshme duke bashkëpunuar me Organizatën Botërore të Shëndetësisë.
Po ashtu, Rama ka kritikuar median, duke thënë se transmetojnë lajme të cilët nuk konfirmohen nga profesionistë të fushës.
Kryeministri ka thumbuar edhe opozitën duke thënë se “politikanët e së keqes” po përpiqen të përhapin kaos në Shqipëri.
Reagimi
Koronavirusi nuk luftohet me politikë, as me gjithollogji dhe aq më pak me frikë dhe lëre pastaj me panik! Ne kemi qysh momentin e parë të shfaqjes së tij që përgatitemi, në bashkëpunim të ngushtë me Organizatën Botërore të Shëndetësisë. Kemi bërë e po bëjmë çdo gjë sipas planit… Fatkeqësisht ky vend në çdo vështirësi a fatkeqësi natyrore ose emergjencë shëndetësore që shfaqet,duhet të përballet dhe me fatkeqësinë e tij të të madhe të kanaleve e portaleve ku lulëzon injoranca,ligësia,dembelizmi e grykësia e maskarallëkut që në këto raste bëhet çnjerëzor.. Dhe në krye të të tërë delenxhinjve e parazitëve që lëshohen mbi publikun në nevojë për informacion, kanë dalë përsëri, si gjithnjë, politikanët e së keqes që duan kaos, rrëmujë, dëshpërim, në përpjekjen e dëshpëruar për të kthyer të shkuarën që i ka marrë me vete përgjithnjë!/ Opinion.al
