Ministria e Shëndetësisë konfirmoi se pasditen e sotme tre raste të reja me koronavirus, duke e çuar numrin e të prekurve 15.
Ndërkohë, kryeministri Edi Rama u ka bërë thirrje qytetarëve që të respektojnë masat e marra nga qeveria për të parandaluar përhapjen e koronavirusit.
Rama deklaron se qeveria i ka marrë të gjitha masat me të gjitha pajisjet qoftë edhe për skenarin më te keq. Po ashtu, kryeministri sqaroi pse qeveria vendosi skenarin më agresiv të përshkallëzimit të masave.
“Ne nuk presim të na e kërkojë dikush tjetër qoftë edhe opozita që ne të bëjmë një plan, por e kemi bërë planin përpara sesa kjo fazë e parë e luftës në territor me koronën të niste. I kemi të gjithë pajisjet për të përballuar edhe skenarin më negativ që është ndërtuar në bazë të projeksioneve. Ne nuk mund ta ndalojmë shtrirjen dhe infektimin. Këtu cështja është sa ne do të arrijmë të ngadalësojmë procesin e shpërndarjes në mënyrë që të kemi kapacitet për të adresuar të gjitha ato pasoja që shfaqen në forma kritike. Ky është një virus që për 80% të popullatës që e kanë do kalojë pa e marrë vesh që e kanë”,-tha Rama./ Opinion.al
