Prej gati një muaji, Kina është duke u përballur me koronavirusin i cili ka marrë jetën e qindra personave, ndërsa mijëra të tjerë janë të infektuar.
Lidhur me virusin vdekjeprurës, kryeministri Edi Rama i ka dërguar një letër homologut kinez Li Keqiang ku i shpreh solidaritet dhe ngushëllime për të viktimat.
Në letër e tij, kryeministri shkruan se është i bindur se qeveria kineze dhe qytetarët e saj do ta kalojnë këtë situatë të vështirë, ndërsa thekson se Shqipëria i ka ende plagët e hapura prej tërmetit të 26 nëntorit dhe është e vetëdijshme për solidaritetin dhe ndihmën midis kombeve dhe njerëzve në ditë të vështira.
Letra e Ramës
Më lejoni të shpreh solidaritetin e Shqipërisë dhe qytetarëve shqiptarë me Kinën dhe qytetarët kinezë rreth përhapjes së koronavirusit në Ëuhan, provinca Hubei.
Shpreh ngushëllimet më të sinqerta për të gjitha jetët e humbura përgjatë kësaj krize dhe shpresoj në rekuperim të shpejtë të të infektuarve.
Po i ndjek zhvillimet më të fundit dhe jam i bindur se qeveria dhe qytetarët kinezë do ta kalojnë këtë situatë të vështirë.
Kam mundësinë të shpreh vlerësimin për të gjithë stafin mjekësor dhe autoriteteve që po punojnë së bashku për të luftuar këtë virus dhe për të minimizuar efektet e tij.
Sapo i kemi mbijetuar një tërmeti të 26 nëntorit të 2019, dhe me plagët tona ende të hapura dhe jemi të lënduar dhe të vetëdijshëm për rëndësinë e solidaritetit dhe ndihmës midis njerëzve dhe kombeve në ditë sprovuese
Ju lutem pranoni garancinë time se qytetarët dhe qeveria shqiptare qëndrojnë pranë jush në këtë krizë./ Opinion.al
