Zyrtarë të lartë dhe politikanë serbë janë prekur nga koronavirusi. Mediat vendase raportojnë se mes personave që kanë rezultuar pozitivë, gjendet emri i Kryetares së Parlamentit, Maja Gojkoviç, dhe ministri i Mbrojtjes, Aleksandër Vulin. Në një deklaratë për media nga Ministria e Mbrojtjes e Serbisë thuhet se ministri Vulin është në gjendje të mirë shëndetësore, pasi nuk ka simptoma të dukshme të infeksionit dhe ndodhet në vetizolim.
Gjatë ditës në media u raportua se edhe drejtori i zyrës për Kosovën në Qeverinë e Serbisë, Marko Gjuriç, është infektuar me COVID-19./Opinion.al
