Banorët e Venecias po vërejnë një përmirësim të madh në kthjellësinë e ujërave në kanalet e famshme që përshkojnë qytetin, të cilat janë duke u pastruar për herë të parë ndër vite.
Në ujëra tani mund të vërehen peshq, mjellma dhe delfinë, që nuk mund të shihen në ujërat që janë zakonisht të errët e të turbullt.
Karantinimi i banorëve të Venecias prej Koronavirusit- Covid 19, i ka lënë rrugët e qytetit të famshëm italjan bosh prej disa javësh tanimë dhe mungesa e lundrimit ka çuar në sedimentimin natyral të ujit në kanalet e famshme të qytetit.
Koronavirusi po paralizon ekonominë botërore dhe po përhap panik te njerëzit megjithatë ka edhe “një anë pozitive”.
Ashtu sikurse ndodhi edhe në Kinë, pas masave të marra për parandalimin e Covid-19, niveli i ndotjes në Itali është ulur ndjeshëm./Opinion.al
