Qindra punonjës spitali në Hong Kong kanë nisur një grevë në kërkim të mbylljes totale të kufijve të Kinës në mënyrë që të ulet risku i përhapjes së Koronavirusit.
Sipas BBC në Hong Kong janë pezulluar shërbimet hekurudhore ndërkufitare dhe tragetet, por stafi mjekësor kërkon një mbyllje totale të kufijve.
Megjithatë autoritetet janë shprehur se mbyllja totale e kufijve do të shkonte në kundërshtim me këshillat e Organizatës Botërore të Shëndetësisë.
Rreth 15 raste janë konfirmuar në Hong Kong me të prekur nga Koronavirusi.
“Nëse nuk do të ketë një mbyllje të kufijve, nuk do të ketë fuqi në njerëz, mjete mbrojtëse apo dhoma të izoluara për të luftuar shpërthimin,”-është shprehur një kryetarja e Aleancës së Punonjësve të Autoritetit Spitalor, e cila sapo është formuar.
Qindra punonjës spitali kanë nisur grevën të hënën. Unioni u shpreh se edhe mjekët dhe infermierët do të përfshihen në grevë ditën martë nëse kërkesat tyre nuk plotësohen.
Hong Kong-u ka një popullësi prej 7 milion banorësh është pjesë e Kinës, por mban një autonomi të konsiderueshme. Kufiri funksionon në të njëjtën mënyrë si një pikë kontrolli normale ndërkombëtare.
Deri tani janë konfirmuar më shumë se 17,000 raste të prekura nga virusi dhe numri i vdekjeve ka shkuar në 361 vetëm në territorin e Kinës. Jashtë Kinës ka më shumë se 150 raste të konfirmuara të virusit dhe 1 person të vdekur në Filipine./Opinion.al/
