Të dënuarit në 27 burgje të Italisë kanë protestuar kundër vendimit të qeverisë për të pezulluar takimet me familjarët për shkak të emergjencës së shkaktuar nga koronavirusi.
Protestat janë shoqëruar me përplasje dhe deri në këto momente raportohet për 6 të dënuar që kanë humbur jetën, 3 prej të cilëve në Modena. Ndërkaq në Pavia, ngjarjet janë përshkallëzuar dhe më tej dhe dy efektivë policie janë marrë peng nga të burgosurit.
Në Foggia dhjetëra të dënuar dolën nga qelitë e tyre për t’u ndaluar më pas nga autoritetet, ndërsa në burgun e Bebibbias në Romë, një infermiere mbeti e plagosur pasi u sulmua nga një i dënuar.
Një revoltë e paprecedentë shpërtheu dhe në burgun e Milanos, ku të burgosurit hipën në çatinë e ndërtesës nga ku kërkonin liri. Situata e tensionuar u qetësua përkohësisht pas ndërhyrjes së policisë së burgjeve./Opinion.al
