Pas situatës së krijuar nga koronavirusi, Prokurori i Përgjithshëm, Olsian Cela u ka bërë thirrje prokurorëve të kontribuojnë financiarisht me sa munden.
Thirrja e tij vjen pasi vendi ka shpallur gjendjen e fatkeqësisë natyrore. Letra iu drejtohet prokurorive në rrethe, atyre te Apelit si edhe stafit të Prokurorisë së Përgjithshme.
Në letrën e tij shkruhet; “Nisur nga situate e emergjencës së krijuar në vend nga epidemia e shkaktuar nga përhapja e COVID 19 si dhe gjendja e fatkeqësisë natyrore të shpallur nga qeveria, është i nevojshëm kontributi dhe solidariteti i cdo qytetari të Republikës së Shqipërisë, duke përfshirë magjistratët dhe institucionet e drejtësië. Në këto kushte, Prokurori i Përgjithshëm do të mirëpriste përkrahjne e kësja iniciative nga cdo prokuror apo oficer i policisë gjyqësore, duke e konsideruar atë si një detyrim moral ndaj vendit dhe qytetarëve shqiptarë”.
