Numri i personave që kanë humbur jetën nga Covid -19 në të gjithë globin tashmë i ka kaluar 200 mijë, sipas të dhënave të Universitetit Johns Hopkins.
Më shumë se 2.8 milionë njerëz janë raportuar të prekur nga sëmundja që shkakton koronavirusi i ri. Ndonëse në disa vende të Europës si Itali, Spanjë apo Francë të infektuarit po shënojnë rënie, situata mbetet ende problematike në SHBA dhe Angli.
Numri i viktimave në Shtetet e Bashkuara ka arritur në mbi 50,000, ndërsa në Britaninë e Madhe, viktimat kaluan të shtunën 20 mijë persona.
Më 11 janar, media shtetërore kineze ka raportuar rastin e parë të infektimit me këtë virus, dhe nga ajo kohë, ai është përhapur në më shumë se 210 shtete dhe territore.
Përveç Europës, Organizata Botërore e Shëndetësisë ka ngritur alarmin për trendin e përhapjes së kësaj sëmundjeje në Afrikë, Evropën Lindore, Amerikën Qendrore dhe Amerikën Jugore./Opinion.al
