Ministria e Shëndetësisë ka deklaruar sot se në dy spitalet COVID aktualisht po marrin shërbim 52 pacientë.
Ministria njofton se në shërbimin Infektiv aktualisht janë të shtruar 43, nga të cilët 7 janë në terapi intensive, ndërsa 2 pacientë janë të intubuar.
Po ashtu, njoftohet se aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 9 pacientë të shtruar, 7 në terapi intensive, 5 prej të cilëve janë të intubuar.
Sakaq, 21 persona të rinj me Covid-19 u zbuluan në 24 orët e fundit, duke e çuar 467 numrin total të të infektuarve./Opinion.al
