Ministria e Shëndetësisë ka deklaruar sot se në dy spitalet COVID aktualisht po marrin shërbim 58 pacientë.
Ministria njofton se në shërbimin Infektiv aktualisht janë 52 të shtruar, nga të cilët 5 janë në terapi intensive.
Po ashtu, njoftohet se aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 6 pacientë të shtruar, 5 në terapi intensive, 4 prej të cilëve janë të intubuar.
“Ju informojmë se, në shërbimin infektiv aktualisht janë 52 të shtruar. 5 prej tyre janë në terapi intensive.
Në spitalin COVID 2 “Shefqet Ndroqi”, janë 6 pacientë të shtruar gjithsej. 5 pacientë janë në terapi intensive, 4 prej të cilëve janë të intubuar. Në dy spitalet COVID aktualisht po marrin shërbim 58 pacientë ”, u shpreh Ministria në informimin e përditshëm.
Sakaq, 9 persona të rinj me Covid-19 u zbuluan në 24 orët e fundit, duke e çuar numrin total në 409 të infektuar./Opinion.al
