Ministria e Shëndetësisë ka deklaruar sot se në dy spitalet COVID aktualisht po marrin shërbim 71 pacientë.
Ministria njofton se në shërbimin Infektiv aktualisht janë 66 të shtruar, nga të cilët 6 janë në terapi intensive ndërsa një nga këta është i intubuar. Pjesa tjetër e të shtruarve në pavion janë në gjendje të stabilizuar deri në këto momente.
Po ashtu, njoftohet se aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 5 pacientë të shtruar, 2 prej të cilëve në gjendje të rënduar (të intubuar).
“Ju informojmë se, në shërbimin infektiv aktualisht janë 66 të shtruar. 6 prej tyre janë në terapi intensive ndërsa një është i intubuar. Pjesa tjetër e të shtruarve në pavion janë në gjendje të stabilizuar deri në këto momente.
Ndërsa në spitalin COVID 2 “Shefqet Ndroqi”, janë 5 pacientë të shtruar, 2 prej të cilëve janë të intubuar.
Në dy spitalet COVID aktualisht po marrin shërbim 71 pacientë.”, njoftoi specialistja e Institutit të Shëndetit Publik, Marjeta Dervishi . /Opinion.al
