SHBA tashmë është një nga vatrat kryesore të koronavirusit, ndërsa numri i të infektuarve dhe viktimave është rritur e ritme të shpejta.
Ndërkohë, pamje tronditëse kanë zbuluar kaosin e krijuar brenda spitaleve të Neë York-ut, e cila është dhe vatra më e madhe e virusit në SHBA. Mjekët shprehin shqetësimin për mungesën e ventilatorëve dhe pajisjet mjekësore janë me pakicë.
Neë York, deri më tani ka regjistruar 76.049 raste të konfirmuara me koronavirus, ndërsa 1,500 të tjerë kanë humbur jetën, shkruajnë mediat e huaja.
Qendra Mjekësore Spitalore “Brookdale” në Brooklyn, ka marrë pamjen e një “fushëbeteje”. Korridoret janë mbushur me shtretër dhe mjekët shkojnë e vijnë gjatë gjithë kohës për të plotësuar nevojat e të sëmurëve. Një mjeke e spitalit, u shpreh për mediat vendëse se spitali ishte shndërruar në një “zonë e luftës mjekësore”.
“Epo, kjo është një zonë e luftës, një zonë e luftës mjekësore. Çdo ditë që vij, ajo që shoh çdo ditë është dhimbja, dëshpërimi, vuajtja dhe pabarazitë e kujdesit shëndetësor. Ne kemi nevojë për lutje, kemi nevojë për mbështetje, kemi nevojë për maska, për doreza, për veshje, kapacitete, kemi nevojë për më shumë hapësirë mjekësore”,-u shpreh mjekja, Arabia Mollette./ Opinion.al
