Pas lehtësimit të masave kufizuese, në shumë shtete të botës është rritur ndjeshëm bilanci i personave të prekur me koronavirus.
Qendra për Kontrollin dhe Parandalimin e Infeksioneve të koronavirusit në Rusi ka deklaruar se në 24 orët e fundit janë diagnostikuar 6.852 raste të reja me virusin dhe 188 të vdekur.
Numri i të diagnostikuarve me infeksionin e COVID-19 deri më tani në Rusi ka shkuar në 627.646, ndërsa bilanci i viktimave ka arritur në 8.969.
Numri i të shëruarve ka arritur në 393.352, me 9.200 të shëruar në 24 orët e fundit.
Në Moskë janë regjistruar 750 raste të reja, duke e çuar shifrën e përgjithshme në 219.354, ndërsa numri i të vdekurve në kryeqytetin rus ka mbërritur në 3.714, me 20 viktima të reja.
Nga ana tjetër, Shërbimi i Shëndetit Publik bëri të ditur se deri më tani në Rusi janë kryer mbi 18,7 milionë teste, përfshirë 305 mijë teste brenda 24 orëve të fundit.
Kryetarja e Agjencisë Federale Ruse të Turizmit (Rosturizm), Zarina Doguzova, bëri të ditur se nga 1 korriku, në 67 rajone të Rusisë në të cilat u zbatuan kufizime në kuadër të masave kundër COVID-19, do të hapet sezoni i turizmit./ Opinion.al
