Rumania ka raportuar të hënën një rritje të ndjeshme të numrit të personave që janë infektuar dhe kanë vdekur nga koronavirusi.
Ndërkohë, presidenti, Klaus Iohannis i ka bërë thirrje publikut që të vetizolohet me qëllim të parandalimit të përhapjes së smëundjes.
Grupi Strategjik i Komunikimit në Rumani, ka raportuar për 143 raste të reja, duke e dërguar në total në 576 numrin e të prekurve nga Covid-19.
Në 24 orët e fundit është vërejtur 45 për qind rritje e numrit të të prekurve, ndërisa pesë persona kanë humbur jetën.
Sipas autoriteteve, të pesë personat kanë qenë të moshuar me probleme shëndetësore.
Deri më tani shtatë rumunë kanë vdekur si pasojë e sëmundjes jashtë Rumanisë, gjashtë në Itali dhe një në Spanjë.
Përmes një adresimi televiziv, Iohannis u ka bërë thirrje rumunëve që të largohen nga shtëpitë e tyre vetëm në rast se ndodh diçka e jashtëzakonshme./ Opinion.al
