Koronavirusi vijon të përhapet në Serbi, ku deri më tani janë regjistruar 117 viktima dhe mbi 6 mijë persona të prekur.
Por, pavarësisht shifrave të përhapjes së COVID-19, Serbia ka vendosur të lehtësojë kufizimet duke lejuar dhe hapjen e dyqaneve të vogla si dhe kafeneve. Këto masa të reja do të zbatohen duke nisur nga e marta, kur përfundon dhe izolimi 3-ditor.
Ndërkohë, 30 raste të reja me koronavirus janë regjistruar në Kosovë vetëm në 24 orët e fundit, duke çuar në 510 numrin total të të prekurve. Bilanci i viktimave mbetet në 12, ndërsa janë shëruar 9 pacientë të infektuar me Covid-19.
Në Maqdoninë e Veriut u konfirmuan 53 raste të reja në orët e fundit, duke çuar totalin e të infektuarve në 1170. Viktimat në këtë shtet janë 49. Greqia po kontrollon më së miri përhapjen e Covid-19, duke shënuar vetëm 2200 të infektuar dhe 110 të vdekur./ Opinion.al
