Vijon të rritet numri i viktimave nga COVID-19 në Kosovë. Në 24 orët e fundit janë raportuar 17 viktima dhe 781 raste të reja nga 3.634 teste të kryera.
Në raport me ditën e djeshme numri i infektimeve dhe viktimave është rritur, pasi dje janë regjistruar 705 raste të reja dhe 10 persona humbën jetën.
Rastet e vdekjes janë nga komunat: Fushë-Kosovë 2 raste (52, 41 vjeç), Gjilan 2 raste (81, 79 vjeç), Prizren 2 raste (70, 83 vjeç), Suharekë 2 raste (77, 78 vjeç), Drenas 1 rast (77 vjeç), Gjakovë 1 rast (86 vjeç), Istog 1 rast (74 vjeç), Lipjan 1 rast (60 vjeç), Mitrovicë 1 rast (81 vjeç), Prishtinë 1 rast (21 vjeç), Viti 1 rast (69 vjeç), Vushtrri 1 rast (65 vjeç), Ferizaj 1 rast (78 vjeç).
Numri total i rasteve pozitive në Kosovë është 84.498 nga të cilët 1.803 persona kanë humbur jetën. Ndërsa numri i rasteve aktive është 12.808./Opinion.al
