Instituti Kombëtar i Shëndetësisë Publike në Kosovë njoftoi të shtunën se gjatë 24 orëve të fundit janë regjistruar edhe 501 raste me COVID-19. Rezultatet kanë dalë pas testimit të 1361 tamponëve. Po në 24 orët e fundit kanë humbur jetën si pasojë e koronavirusit 13 persona.
Rastet e vdekjes janë nga komunat: Prizren 3 raste (76, 70, 70 vjeç), Dragash 1 rast (42 vjeç), Drenas 1 rast (61 vjeç), Gjakovë 1 rast (83 vjeç), Gjilan 1 rast (77 vjeç), Kamenicë 1 rast (80 vjeç), Pejë 1 rast (81 vjeç), Podujevë 1 rast (68 vjeç), Prishtinë 1 rast (74 vjeç), Suharekë 1 rast (75 vjeç), Vushtrri 1 rast (75 vjeç).
Sipas të dhënave të IKSHPK-së, gjatë 24 orëve të fundit janë shëruar edhe 250 pacientë, ndërsa numri i rasteve aktive është 10.990.
Që nga fillimi i pandemisë më 13 mars të këtij viti, në Kosovë janë infektuar 29.117 persona prej të cilëve 822 kanë humbur jetën./ Opinion.al
