Italia është vendi më i prekur në të gjithë botën nga koronavirusi, ndërsa thuajse çdo ditë raportohet për qindra viktima.
Lidhur me situatën e rëndë e krijuar nga virusi, kryeministri i Italisë, Giuseppe Conte ka lajmëruar ndalimin e aktiviteteve joprodhuese në të gjithë Italinë.
Conte theksoi se supermarketet, farmacitë, bankat, shërbimet postare të mbeten të hapura, ndërsa theksoi se transporti është i garantuar. Ai i bëri thirrje qytetarëve të mos krijojnë panik duke nxituar për të bërë blerje. Ai njoftoi se masat e reja do të fillojnë të hënën në 23 Mars.
“Është një vendim shumë i vështirë, por i domosdoshëm. Të dhënat e fundit flasin për një emergjencë që nuk priten të ngadalsohen”, tha Conte./ Opinion.al
