Mbi 100 persona raportohen se janë të infektuar nga koronavirusi në Itali. Sipas të dhënave, janë 89 raste në Lombardi, 25 në Veneto, 9 në Emilia Romagna, 2 në Lazio (çifti i turistëve kinezë në Spallanzani) dhe 6 raste në Piemonte.
Mes tyre 25 janë shtruar në terapi intensive. Ndërkohë, vazhdojnë testet për personat që kanë pasur kontakte me të infektuar. Ndër të tjera Veriu i Italisë është “blinduar”. Në qytetet e vatrës ndalohet hyrja dhe dalja nga zona. Shkollat dhe universitetet janë të mbyllura në të gjithë Lombardinë, për një javë. Po ashtu të njëjta masa janë marrë edhe në Veneto dhe Piemonte.
Ndërkohë, kryeministri Giuseppe Conte gjatë konferencës për shtyp në fund të mbledhjes së këshillit të Ministrave në selinë e Mbrojtjes Civile, deklaroi se; “Aktualisht nuk ka masa për të kërkuar dhe pezullimin e Traktatit të Shengenit dhe veçanërisht lëvizjen e lirë të personave. Një masë drakoniane është aktualisht në vend dhe një mase tjetër nuk përputhet me nevojat e mbrojtjes së shëndetit të qytetarëve italianë”.
Conte theksoi se bllokimi i lëvizjes së njerëzve nuk do të ishte efektiv si dhe do të kishte “ndikim shkatërrues” në ekonominë italiane./ Opinion.al
