Irani ka konfirmuar se 122 pacientë kanë humbur jetën nga koronavirusi në 24 orët e fundit. Në total, në Iran kanë humbur jetën nga koronavirusi 1934 persona.
Zëdhënësi i Ministrisë së Shëndetësisë, Kianush Jahanpur, tha në televizionin shtetëror se numri i të infekturave me koronavirus ka arritur në 24811, pas diagnostikimit të 1762 rasteve të reja në 24 orët e fundit.
Irani është një nga vendet më të prekura nga koronavirusi në Lindjen e Mesme. Të hënën, autoritetet iraniane e kanë refuzuar ndihmën e Shteteve të Bashkuara për luftimin e sëmundjes./ Opinion.al
