Ka shkuar në 9 numri i personave të infektuar me koronavirus në Greqi. Mësohet se i prekuri i fundit është konfirmuar në Patra.
Bëhet fjalë për një 66-vjeçar grek, i cili kishte shkuar në një ekskursion në Izrael dhe Egjipt, ndërsa tashmë është izoluar në një spital grek.
66-vjeçari ishte shtruar në spital pasditen e së hënës me probleme frymëmarrjeje, ndërsa mjekët kanë konfirmuar se ai ishte prekur nga virusi vdekjeprurës.
Bëhet me dije se pesë raste të tjera janë konfirmuar nga Ministria e Shëndetësisë të shtunën dhe po mbahen në mbikëqyrje në Athinë.
Ndërkohë, sot paradite është konfirmuar një tjetër rast i prekur me koronavirus. Mediet raportuan se ishte infektuar bashkëshorti i një mësueseje, e cila ishte infektuar më herët, pasi ishte shoqe me 38-vjeçaren greke që ishte personi i parë i konstatuar me koronavirus në Greqi.
Sipas zëdhënësit të Ministrisë së Shëndetësisë, Sotiris Tsiodras, çështja po ndiqet në Athinë për të identifikuar të gjithë personat që ranë në kontakt me të pas kthimit të saj nga Italia./ Opinion.al
