Ministria e Shëndetësisë njoftoi sot se një person tjetër ka ndërruar jetë nga koronavirusi në Shqipëri.
“Mëngjesin e sotëm ka ndërruar jetë në spitalin Infektiv një pacient 79-vjeçar nga Tirana, i konfirmuar me COVID-19. 79-vjeçari me inicialet B.H. ishte prej 18 ditësh i shtruar në spitalin infektiv. I moshuari ishte përmirësuar ditët e fundit por ndërroi jetë nga një infarkt kardiak. 79-vjeçari është viktima e 11 e prekur nga COVID-19 në Shqipëri”, njoftoi ministria.
Numri i të prekurve me COVID-19 është shtuar me 11 raste të reja këtë të hënë. Rastet e reja u shënuan në Tiranë, Fier, Shkodër, Tropojë dhe Korcë.
Deri në këto momente janë testuar 1526 raste të dyshuara dhe prej tyre janë të konfirmuar pozitivë me COVID-19, 223 raste. /Opinion.al
