Presidenti Ilir Meta ka reaguar pas deklaratës së kryeministrit Edi Rama, i cili u shpreh se si presidenti dhe opozita dëshirojnë katastrofë shëndetësore që të vijnë në pushtet.
Meta shkruan në “Facebook” se numri i viktimave dhe rasteve të reja me COVID-19 po shtohet çdo ditë dhe për këtë arsye duhet të shtohet numri i testimeve.
Meta i kujton Ramës premtimin për shëndetësi falas, ndërsa shton se kryeministri duhet të ndalojë koncesionet dhe PPP korruptive.
“Qytetarët e infektuar po shtohen çdo ditë! Jetët e humbura po shtohen çdo ditë! Shto testimet! Rimburso pacientët të cilët mjekohen në shtëpi, familjet në nevojë dhe pensionistët e infektuar me COVID-19! Rrit buxhetin për sistemin shëndetësor! Shto spitalet COVID! A e di ti sa paguan sot çdo shqiptar për mjekim dhe ilaçe për t’i shpëtuar COVID-19? ? Mjaft me koncensione dhe PPP korruptive! Mjaft me tendera sekrete për oligarkët.”-shkruan Meta./ Opinion.al
