Ditën e sotme Presidenti Ilir Meta është takuar me ambasadorët e Greqisë, Kosovës, Kroacisë, Malit të Zi, Maqedonisë së Veriut, Serbisë dhe Sllovenisë.
Meta dhe ambasadorët diskutuan në lidhje me situatën e krijuar nga koronavirusi, ndërsa u vlerësua se masat e ndërmarra treguan efikasitet dhe së bashku duhet tashmë të koordinojmë veprimet për të hyrë në një fazë të re të zbutjes të masave kufizuese.
Në këtë takim u fol dhe për hapjen graduale të kufijve dhe lehtësimi i masave shtrënguese të cilat do të do të ndihmonin ekonominë dhe turizmin.
Meta theksoi se pandemia dhe tërmeti që goditi vendin tonë nëntorin e kaluar treguan sa të rëndësishme janë marrëdhëniet e fqinjësisë së mirë. “Fqinjët na u gjendën të parët pas tërmetit tragjik të 26 nëntorit”, – theksoi Kreu i Shtetit.
Presidenti theksoi se, pavarësisht pandemisë COVID-19, Shqipëria do të mbetet e fokusuar në plotësimin në kohë të të gjithë kushteve që Këshilli ka përcaktuar për vendin tonë për Konferencën e Parë Ndërqeveritare për çeljen e negociatave të anëtarësimit në BE./ Opinion.al
