Shpërthimi i koronavirusit ka bërë që qeveria e Nepalit të mbyllë sezonin e ekspeditës në malin Everest.
Lejet e ngjitjes në majën më të lartë të botës janë anuluar nga 14 marsi der në 30 prill.
“Kemi vendosur t’i ndalojmë të gjitha vizat turistike deri më 30 prill”, tha Narayan Prasad Bidari, sekretar i Zyrës së Kryeministrit.
Ai gjithashtu i këshilloi të huajt që nuk kanë mundur të shmangin shkuarjen në Nepal nga data 14 mars, të qëndrojnë në karantinë për 14 ditë.
Ekspedita në malin më të lartë në botë kushton 11 mijë dollarë dhe të ardhurat që përfitohen prej saj janë nga burimet kryesore të qeverisë së Nepalit.
Shumica e alpinistëve që ngjisin Everistin janë nga Shtetet e Bashkuara, India, Kina, Britania e Madhe, Japonia dhe Koreja e Jugut. Të gjitha këto vende janë prekur nga koronavirusi dhe në shumicën e tyre po ndërmerren masa izoluese për parandalimin e përhapjes së tij. /Opinion.al
