Bota

Koronavirusi/ Mbi 1600 viktima, epidemia mbërrin edhe në Afrikë


               Publikuar në : 09:22 - 16/02/20 |
Al Do

Vijon të rritet numri i personave që kanë humbur jetën nga koronavirusi në Kinë. Sipas të dhënave të fundit nga Komisioni Kombëtar i Shëndetësisë në Kinë, 1665 persona kanë humbur jetën brenda vendit dhe 1669 në gjithë botën.

Shumica e viktimave është shënuar në provincën Hubei ndërsa raportohet se vetëm këtë fundjavë janë konfirmuar 2009 raste të reja të cilat e çojnë në rreth 69 mijë numrin e përgjithshëm të rasteve të konfirmuara.

Në anijen japoneze “Diamond Princess”, e cila është në karantinë me 3700 pasagjerë në bord, u konfirmuan 70 raste të reja duke e çuar në 355 numrin total të të prekurve.

Ditën e djeshme u regjistrua viktima e parë nga virusi jashtë Azisë, një turist kinez i cili humbi jetën në Paris të Francës. Po dje gjithashtu u konfirmua i prekuri i parë në Afrikë, konkretisht në Egjipt.

Koronavirusi u shfaq në Wuhan, kryeqyteti i provincës Hubei. Ajo ndodhet në karantinë të plotë që nga 23 janari. Shkollat, fabrikat dhe zyrat janë mbyllur dhe shumica e linjave të udhëtimit janë ndërprerë. “Reuters” shkruan se jashtë Kinës, deri më tani janë regjistruar rreth 500 raste në dhjetëra shtete dhe territore, ndërsa katër persona kanë vdekur. /Opinion.al

Pas