56 persona kanë humbur jetën dhe mbi 1500 të tjerë janë infektuar, ky është bilanci i deritanishëm i koronavirusit që ka prekur Kinën. Ndërkohë, deri më tani ende nuk është e qartë për origjinën e koronavirusit, ndërsa dyshohet se ai është transmetuar tek njeriu përmes minjve.
Por, së fundmi në rrjetet sociale janë shpërndarë informacione se koronavirusi e ka origjinën nga një laborator ushtarak Kinez, ku bëhen eksperimente për armë biologjike.
Ky lajm është konfirmuar dhe nga burimet drejtorit të italianes “Tgcom24”, Paolo Liguori. Ai ka deklaruar se një burim shumë i besueshëm i ka bërë me dije se koronavirusi ka dalë nga një laborator në Wuhan ku realizohen eksperimente ushtarake.
“Kam marrë informacion nga një burim shumë i besueshëm se gjithçka ka lindur nga një laborator në Ëuhan, ku studiohen virusët më të rrezikshëm në botë. Në vitet e fundit, ky laborator ka nisur edhe eksperimente ushtarake, që janë shumë sekrete. Një nga teknikët, në fillim të dhjetorit, është prekur nga virusi. Nuk është kuptuar kjo gjë dhe nga aty është përhapur. Pra, virusi ka ardhur nga një laborator i Wuhanit, ku bëheshin eksperimente të modifikimit të SARS-it për qëllime ushtarake. SHBA, Kina dhe Rusia bëjnë të tilla eksperimente në rast se do i duhen armë biologjike në një luftë të mundshme”- tha Liguori.
Sipas burimeve të tij, janë mijëra persona të vdekur nga ky virus, por autoritete kineze thonë se janë vetëm 56 viktima.
“Kinezët janë munduar ta minimizojnë shifrën, por situata është e rëndë dhe e vështirë. Janë skenarë filmash, një virus që del nga kontrolli dhe shkakton dëme të shumta”, u shpreh Liguori.
Ndërkohë, pesë raste janë raportuar në Tajlandë, 4 në Australi, Franca, Japonia, Malajzia dhe Tajvani kanë raportuar tre raste secila. Në Shtetet e Bashkuara dhe Vietnam autoritetet kanë konfirmuar dy raste dhe një rast raportuar në Nepal./ Opinion.al
