Situata e krijuar nga koronavirusi në Europë po shkon drejt përmirësimit, ndërsa shumë vende raportojnë rënie të numrit të viktimave dhe të të infektuarve. Po ashtu, gjatë këtij muaji vendet që kanë pasur përmirësim do të lehtësojnë masat kundër përhapjes së koronavirusit.
Lajm i mirë vjen dhe nga Gjermania, e cila në statistikat e fundit ka raportuar se 13 persona kanë humbur jetën brenda 24 orëve dhe 667 të tjerë u infektuan me koronavirus. Këto shifra janë inkurajuese në krahasim me statistikat e një jave më parë.
Nëse përhapje e koronavirusit do të vijojë me këto ritme, shumë shpejtë Gjermania do të “shërohet” nga pandemia. Deri në këto momente në Gjermani numërohen 169 mijë persona të infektuar me Covid-19, 7395 prej të cilëve kanë humbur jetën.
