Mjekja psikiatre Fatime Elezi, ka theksuar rëndësinë e ruajtjes së qetësisë në këtë situatë ku shoqëria shqiptare është izoluar për shkak të koronavirusit. Mjekja është shprehur se në këto kushte frika është një fenomen normal, por duhet parë në vijimësi, që ajo të menaxhohet.
“Disa simptoma janë krejt normale, si frika dhe ankthi. Janë përgjigje fare normale, mekanizma mbrojtës që ka individi. Frika është rasti, kur personi e ka të qartë nga se vjen rreziku, ndërsa në rastin e ankthit personi nuk e ka të qartë cili është rreziku”. Duke theksuar faktin, që padyshim këto reagime vijnë edhe për shlak të ndryshimit të stilit të jetesës, që shoqërohet me nervozizëm dhe çrregullsi. Ndaj mjekja, jep disa këshilla:
“Të mos humbasin perspektivën. Shumë njerëz mendojnë se ç’do të ndodhë nesër, a do përfundojë shkollën, a do vazhdojë biznesi? Ne kemi nevojë të mos e humbasim këtë perspektivë, sepse do bazohemi tek informacionet që marrim, por duhet ta këshilloj popullatën të jetë shumë e kujdesshme në marrjen e informacionit. Sepse studiuesit kanë gjetur që informacionet e bollshme, apo fake neës e shtojnë ankthin dhe nëse do flisja për popullatën që vuajnë nga ankthi edhe para kësaj ngjarjeje do përjetonin simptoma jashtëzakonisht të ekzagjeruara.Njerëzit duhet të mendojnë që nuk janë pa mbështetje, shkencëtarët po punojnë për të gjetur një vaksinë. Duke qenë se ushqehemi mirë, flemë mirë, marrim likdet e duhura jemi të zotë ta menaxhojmë. Do bëja apel për njerëzit, të kenë durim, të jenë të qetë”, tha mjekja.
Më tej duke folur për fakti, që kjo situatë mund të zgjasë, mjekja tha se rreziku është që çrregullimet e ankthit të shtohen, veçanërisht për personat që vuajnë nga problem të çreegullimit obsesiv./Opinion.al
