Shumë shtete kanë bërë porositë e tyre për dozat e vaksinës anti-COVID.
Mësohet se qeveria kanadeze ka dyfishuar porosinë e vaksinës së koronavirusit nga Moderna, nga 20 milionë në 40 milionë doza.
Ky lajm është bërë i ditur nga vetë kompania Moderna, e cila ka theksuar se dërgesat e vaksinës së saj në Kanada mund të fillojnë këtë muaj, nëse ato miratohen përgjatë muajit dhjetor.
Po ashtu, kompania njoftoi se furnizimi në Kanada do të vinte nga kapaciteti europian i prodhimit të vaksinave.
“Furnizimi me vaksina në Kanada do të burojë nga kapaciteti evropian i prodhimit Moderna,”-thuhet në deklaratë.
Ndërkaq, Mbretëria e Bashkuar ka bërë gjithçka gati për të nisur fushatën e vaksinimit në masë të popullatës ndaj koronavirusit të ri, me dozat e prodhuara nga Pfizer dhe BioNTech./ Opinion.al
