Ministria e Shëndetësisë ka deklaruar sot se aktualisht në spitalin Infektiv ndodhen aktualisht 57 pacientë të prekur nga koronavirusi, 2 prej tyre janë në terapi intensive.
Ditën e sotme u konfimruan 19 raste të reja me koronavirus, duke shkuar në total 123. Po ashtu, është shënuar dhe viktima e pestë në vendin tonë, ndërsa numri i të shëruarve ka shkuar në 10.
Të shëruarit do të qëndrojnë për 14 ditë në vetëkarantinim.
Ja cfare njoftoi sot MSH
Ju informojmë se në spitalin Infektiv ndodhen aktualisht 57 pacientë të shtruar, 2 prej tyre janë në terapi intensive. Ndërsa pjesa tjetër e të shtruarve në pavion janë në gjendje të stabilizuar deri në këto momente.
Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!
Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.
Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!/ Opinion.al
