Italia, vendi evropian i goditur më së rëndi nga pandemia e koronavirusit, tha se do t’i zgjerojë masat e izolimit, të ndërmarra më 10 mars, për shkak të rritjes së shpejtë të numrit të viktimave.
“Masat e ndërmarra duhet të zgjerohen përtej afatit fillestar”, tha kryeministri Giuseppe Conte për gazetën italiane Corriere della Sera, por pa dhënë më shumë detaje.
Masat aktuale u lejojnë italianëve të udhëtojnë vetëm për punë, për arsye shëndetësore ose emergjenca dhe janë në fuqi deri më 3 prill.
Shumica e dyqaneve, përveçse ato që shesin ushqime dhe medikamente, duhet të mbeten të mbyllura deri më 25 mars.
Numri i viktimave në Itali nga koronavirusi është duke iu afruar shifrave në Kinë vendin ku ka shpërthyer virusin dhjetorin e kaluar.
Kina, popullsia e së cilës është 23 herë më e madhe se e Italisë ka raportuar për rreth 3,200 të vdekur. Vetëm të mërkurën, në Itali kanë humbur jetën 475 persona, shifër rekord./Opinion.al
