Irani është një nga vendet më të prekura nga koronavirusi, gjë e cila ka bërë që dhe SHBA ti ofrojë ndihmë.
Por, Presidenti i Iranit Hassan Rouhani deklaroi ditën e sotme se Shtetet e Bashkuara duhet të heqin sanksionet nëse Uashingtoni dëshiron të ndihmojë Iranin të përmbajë shpërthimin e koronavirusit,.
Rouhani tha se Irani nuk kishte ndërmend të pranonte ofertën e Uashingtonit për ndihmë humanitare, shkruan The Jerusalem Post.
“Udhëheqësit amerikanë gënjejnë, nëse ata duan të ndihmojnë Iranin, gjithçka që duhet të bëjnë është të heqin sanksionet. Atëherë ne mund të merremi me shpërthimin e koronavirusit,” tha Rouhani në një fjalim televiziv.
Irani është kombi i Lindjes së Mesme më i godituri nga koronavirus, me rreth 1,700 viktima, mbi 21,000 njerëz të infektuar dhe një person që vdes nga virusi çdo 10 minuta, sipas ministrisë së shëndetësisë.
Uashingtoni i ka ofruar ndihmë humanitare Iranit por Udhëheqësi i Lartë i vendit, Ajatollah Ali Khamenei e ka kundërshtuar këtë ndihmë.
Tensionet midis dy vendeve kanë qenë të larta që nga viti 2018, kur Presidenti i Sh.B.A. Donald Trump doli nga marrëveshja bërthamore e Teheranit për vitin 2015 me gjashtë fuqi botërore dhe vendosi sanksione që kanë shkatërruar ekonominë iraniane. / Opinion.al
