Një gënjeshtër ka futur në izolim Australinë Jugore. Shkak u bë deklarata e rremë e një punonjësi picerie, të infektuar me COVID-19, i cili nuk tregoi se kishte punuar në piceri me turne, por tha se thjesht kishte shkuar të blinte një picë.
Nisur nga pretendimet e punonjësit autoritetet supozuan se virusi ishte tmerrësisht infektues.
Kryetari i Australisë Jugore, Steven Marshall njoftoi se pasi u zbulua e vërteta, bllokimi i rreptë gjashtë ditor i rajonit do të hiqej më herët nga sa pritej, pasi COVID-19 rezultoi të mos ishte aq ngjitës sa u mendua fillimisht.
“Të them se jam i inatosur për veprimet e këtij individi është e kuptueshme. Aksionet egoiste të tij kanë vendosur të gjithë shtetin në një situatë shumë të vështirë. Veprimet e tij patën ndikim te bizneset, individët, familjet dhe kjo është e papranueshme”, u shpreh Steven Marshall, kryetar i Australisë Jugore.
Ai shtoi se vazhdojnë përpjekjet për të lokalizuar mijëra persona që kanë pasur kontakt me picerinë dhe u bëri apel qytetarëve që të testohen për koronavirus.
Australia është mbështetur te karantinat masive, testimet në shkallë të gjerë dhe gjurmimi i kontakteve për të luftuar përhapjen e pandemisë./ Opinion.al
