Bota

Koronavirusi/ Franca rëndohet ndërsa Gjermania mbetet ‘e pazakontë’


Bëhu pjesë e Grupit Zyrtar të Opinion.al
>> KËTU <<
               Publikuar në : 20:33 - 26/03/20 |
Al Do

Gjermania vijon të ofrojë statistika të pazakonta në krahësim me pjesën tjetër të botës në lidhje me pandeminë e koronavirusit.

Në 24 orët e fundit vendi ka raportuar 6,323 raste të reja dhe vetëm 33 viktima nga COVID-19.

Numri total i të prekurve ka kaluar 43 mijë ndërsa viktimat 239, vetëm 0.5% duke e bërë vendin që e ka përballuar më mirë deri tani shpërthimin e pandemisë. 5,673 persona ndërkohë janë shëruar, nga të cilët 2126 vetëm në 24 orët e fundit.

Tjetër panoramë ofron Franca fqinje. Gjatë një dite raportohen se në Francë kanë vdekur 365 persona si pasojë e COVID-19 duke e cuar totalin në 1696. Ky numër pretendohet të jetë shumë më i lartë duke marrë parasysh se Franca numëron vetëm ata që kanë ndërruar jetë nga virusi në spital.

Numri total i të prekurve nga koronavirusi në Francë ka shkuar në 29,155, duke u rritur me rreth 4 mijë në një ditë. Nga ana tjetër janë shëruar gjithsej 4948 persona të infektuar me koronavirus. /Opinion.al

Pas