Bota

Koronavirusi/ Franca kalon në një tjetër fazë, ministri:përhapet nga duart


               Publikuar në : 23:22 - 28/02/20 |
Opi Nion

Epidemia e koronavirusit në Francë ka kaluar në një tjetër etapë, sipas Ministrit të Shëndetësisë, Olivier Véran, i cili ka njoftuar të premten se  vendi numëron 19 raste të reja me Covid-19. Në këtë mënyrë numri i të prekurve që prej fundit të janarit kur u evidentua rasti i parë, shkon në 57. Ndërkohë numri i viktimave në Francë është 2, 12 persona janë shëruar dhe 43 po marrin shërbim në spital, sic ben me dije “Le monde”.

Ministri, me profesion mjek, ka nënvizuar rëndësinë e masave mbrojtëse për parandalimin e përhapjes së koronavirusit, duke rekomanduar veçanërisht mosdhënien e dorës .

“Në një situatë epidemike, ju duhet të mbroni veten dhe të tjerët. Lani duart  sa më shpesh. Përdorni shami me një përdorim. Ju rekomandoj të evitoni dhënien e dorës. Maska është e panevojshme nëse nuk jeni të sëmurë apo nuk keni qenë në kontakt me persona të sëmurë dhe maska nuk ju është rekomanduar”, ka nënvizuar ai duke saktësuar, se:  “kontaminimi kryesor vjen nga duart”. / Opinion.al

Pas