Qeveria Çeke paralajmëroi shtrëngim të masave për të frenuar përhapjen e COVID-19.
Të mërkurën autoritetet urdhëruan mbylljen e dyqaneve dhe shërbimeve të mbyllen si dhe kufizuan lëvizjen vetëm në udhëtime thelbësore deri në datën 3 nëntor.
“Masat që kemi marrë nuk po funksionojnë ende”, tha kryeministri, Andrej Babis, në një mesazh në faqen e tij në Facebook.
“Java e ardhshme do të jetë e rëndësishme, dhe nëse nuk ndodh një mrekulli, ne nuk do të kemi zgjidhje tjetër përveç se të shtrëngojmë masat tona më tej”, theksoi ai.
Zyrtarët çekë kanë pranuar se vendi ka nevojë për ndihmë. Qeveria ka rënë dakord gjithashtu për një plan për të sjellë një ekip mjekësor të Gardës Kombëtare të SHBA-së për të ndihmuar në spitalet çeke.
Çeke po përballet me shifra rekorde të rasteve me koronavirus. Të dielën ky vend shënoi mbi 7 mijë raste të reja me koronavirus, nga testimi i mbi 36 mijë mostrave. Deri më tani janë infektuar mbi 250 mijë persona. Prej tyre, mbi 97 mijë janë shëruar ndërsa 2.201 kanë vdekur. Raste aktive janë 158,515./ Opinion.al
