Kryetari Partisë Demokratike, Lulzim Basha dhe kryeministri Edi Rama janë përfshirë në replika në lidhje me menaxhimin e situatës së krijuar nga pandemia COVID-19 në vendin tonë.
Pas deklaratës së Ramës, Basha shkruan në rrjetet sociale se gjendja në vendin tonë po përkeqësohet për shkak të kryeministrit.
Sipas Bashës, Rama në vend që të ndihmojë me para qytetarët, e ka mendjen sulmet politike, ndërkohë që vazhdon të paguajë miliona për inceneratorët dhe tenderat korruptivë.
LEXO EDHE: Rama për Bashën: Është kapur pas COVID-it si i mbyturi pas fijes së barit
“Gjendja po përkeqësohet. Për shkak të Ramës, njerëzit presin me ditë për tu testuar, nuk kanë lekë për ilaçet e dergjen të sëmurë në shtëpi. Shëndeti dhe pamundësitë ekonomike janë shqetësimi i çdo shqiptari sot. Por në vend që të japë para për testimet, ilaçet dhe të pamundurit, Rama e ka mendjen tek sulmet politike, ndërkohë që vazhdon të paguajë miliona për inceneratorët dhe tenderat korruptivë. Edhe sa njerëz duhet të vdesin për fajin e Ramës???-shkruan Basha./ Opinion.al
