Situata e krijuar nga koronavirusi është kthyer në një “betejë” akuzash mes opozitës dhe mazhornacës.
Sekretari i Përgjithshëm, Gazment Bardhi, ka publikuar një video që sipas tij, tregon se si kryeministri Edi Rama dhe ministrja e Shëndetësisë gënjejnë qytetarët për situatën reale të koronavirusit.
Bardhi thekson se pacientja që humbi jetën në Durrës nga koronavirusi është mbajtur për disa ditë në të njëjtën dhomë ku kishte edhe pacientë të tjerë.
Reagimi
Edi Rama dhe Ogerta Manastirliu po gënjejnë njerëzit për situatën reale të koronavirusit. Dëshmia në video e nxjerr zbuluar propagandën e rrezikshme të qeverisë! Është fakt që qeveria shpërndau 1.2 milionë maska të skaduara për personelin shëndetësor. Është fakt që qendrat shëndetësore dhe shumica e spitaleve nuk kanë mjetet e duhura për të përballuar situatën. Është fakt që e moshuara në Durrës, që u nda nga jeta, u mbajt në dhomë për disa ditë me pacientë të tjerë. As gënjeshtrat ndaj qytetarëve dhe as sulmi ndaj opozitës nuk e mbulojnë dot paaftësinë dhe mungesën e përgatitjes së qeverisë. Shikoni vetë më poshtë sesi dalin sheshit gënjeshtrat e qeverisë për rastin fatal në Durrës.?/ Opinion.al