Kryetari i Grupit Parlamentar të Partisë Socialiste, Taulant Balla ka folur në lidhje me miratimin e aktit normativ Akti-KÇK për sekuestrimin e pasurive, i cili u miratua ditën e djeshme nga në Komisioni i Ligjeve.
Balla shprehet se “anti-KÇK” do i shërbejë dhe do jetë në funksion të rezultateve pozitive dhe forcës goditëse të OFL. Sipas Ballës sekuestrot e bëra nga OFL do të përdoren në funksion të shtetit, për të plotësuar nevojat buxhetore të shtetit dhe Policisë së Shtetit.
”Qeveria në bashkëpunim me Kuvendin ka sjellë edhe dy ligje të tjera të cilat e rrisin dhe e përmirësojnë kuadrin ligjro në funskion të një rezultati pozitiv në këtë nismë, në këtë forcë goditëse. Dua ta përshëndes OFL për rezutlatet sikur e keni parë nga ana e OFL janë referuar në SPAK, dhe prej SPAK në GJKKO një seri personash apo grupesh kriminale pasuritë e të cilëve po sekuestrohen, janë në proces ose janë referuar dhe ishte e domosdoshme një ligj më i plotë për pasuritë. Në fund të këtij procesi jam tejet i sigurt që pasuritë e sekuestruara do të jenë të shumta dhe do të rrisin kapacitetet financiare të shtetit, në dobi të nevojave buxhetore apo të policisë së shtetit. ”- Balla.
Ndërkohë, Balla theksoi se Kongresi i PS-së do të mbahet më 28 shkurt, ashtu siç ishte programuar më herët. Duke marrë shkas nga situata e krijuar nga koronavirusi në Itali, gazetarët e kanë pyetur kryetarin e Grupit Parlamentar të PS nëse do të ishte me vend mbajtja e kongresit në një ambjent të mbyllur.
Balla tha se janë marrë të gjitha masat e nevojshme dhe nuk ka vend për panik, ndërsa kritikoi ish-kryeministrin Berisha i cili sipas tij, sa herë ka ngjarje është burimi i gjithë alarmeve për vendin.
“Së pari, Shqipëria është një shtet normal, ka një qeveri që bën detyrën cdo ditë. Ka një Ministri Shëndetësie që gjej rastin ta përgëzoj, për marrjen e masave shumë më parë në kohë se ky virus të afrohej ne Europë. Prej momentit të shfaqjes në Kinë, janë marrë masat në bazë të një protokolli të mirëdetajuar sipas OBSH. I bëj thirrje qytetarëve se nuk ka hapsirë për panik. Gjithçka duhet bërë sipas instruksioneve të Ministrisë së Shëndetësisë. Kongresi do të zhvillohet normalisht, sipas axhendës tre ditore, është në mjedis të mbyllur, sic është Pallati i Kongreseve, për cdo lloj mase tjetër kushdo duhet të ndjekë protokollin e masave parandaluese. Dua të them dy fjalë, personazhi më negativ mbetet Sali Berisha që sa herë ka epidemi apo ngjarje në vend, është burimi i gjithë alarmeve dhe shpikjes se lajmeve panikuese pa asnjë lloj burimi. Që kur tmerroi Kavajën për sa i përket përcaktimit të karatantinës, ishte e turpshme që një ish-kryeministër të shpërndajë lajme të tilla me asnjë të vërtetë, brenda edhe për faktin që dikur ka qenë doktor. Kjo sjellje e turpshme nuk ndodh as në Itali, ku është shfaqur koronavirusi. Qeveria është në krye të detyrës, po zbaton protokollin nga OBSH. Dua t’i them cdo qytetari anashkaloni lajmet e rreme të cdo qytetari dixhital apo regjistrimi zanor. Duhet të jemi të sigurtë se qeveria po bën gjithçka duhet dhe strukturat në të gjithë territorin po kryen verifikimin e duhur. “ -u shpreh Balla./ Opinion.al
