Pandemia COVID-19 vijon të shkaktojë viktima në Greqi. Autoritetet e shëndetësisë helene bëjnë me dije se në 24 orëve të fundit kanë rezultuar pozitivë 2570 qytetarë.
I lartë mbetet edhe numri i fataliteteve nga virusi i rrezikshëm, ku në 24 orë kanë ndërruar jetë 51 pacientë.
Aktualisht, 506 pacientë ndodhen të intubuar, në gjendje kritike për jetën, ndërsa 1457 pacientë kanë fituar betejën me virusin e rëndë, që nga fillimi i pandemisë.
Në total numri i të infektuarve me Covid-19 në Greqi është 214 661, ndërsa numri i viktimave ka shkuar në 6937.
