Ka shkuar në 148 numri i viktimave nga koronavirusi në Itali, ndërsa raportohet se 3296 persona janë të infektuar.
Për një 24 orë në Itali kanë humbur jetën 41 persona, pasi ditën e djeshme raportohej për 107 viktima. Sipas të dhënave, bëhet me dije se 414 persona janë shëruar.
Ndërkohë, italianëve u është kërkuar të ndryshojnë stilin e jetesës të paktën për 30 ditë. Nuk do të ketë shtrëngime duarsh, përqafime, apo grumbullime publike përfshirë ato sportive.
Ndeshjet e futbollit mund të zhvillohen vetëm me dyer të mbyllura, ndërsa të moshuarit mbi 65 vjeç duhet të reduktojnë në maksimum daljen në rrugë.
Qeveria synon, gjithashtu, të fuqizojë sistemin shëndetësor me një rritje prej 50 përqind të shtretërve në terapi intensive, ku po ndihet edhe më shumë emergjenca e koronavirusit./Opinion.al
