Ka shkuar në 21 numri i viktimave në Itali nga koronavirusi, ndërsa më shumë se 821 persona janë konfirmuar të prekur, sipas të dhënave të përditësuara të Emergjencave Civile.
Rajoni më i prekur mbetet ai i Lombardisë, i ndjekur nga Veneto dhe Emilia-Romana. Covid-19 është përhapur më shumë në pjesën veriore të Italisë por raste janë regjistruar edhe në jug, në rajonin e Kampanias dhe Siçilisë.
Përhapja e shpejtë e koronavirusit ka bërë që Italia të renditet e treta mes vatrave kryesore të virusit në botë, pas Kinës dhe Koresë së Jugut, duke tejkaluar edhe Japoninë.
Megjithatë, nga informacionet që vijnë nga vendi fqinj ka edhe lajme pozitive, pasi 45 persona të prekur nga virusi janë shëruar. Po ashtu, një grua në Piacenza, e infektuar nga Covid-19 solli në jetë një fëmijë të shëndetshëm./Opinion.al
