Rastet e personave që humbasin jetën nga koronavirusi kanë shënuar ulje në Kinë, ku sot janë raportuar 29 viktima. Ndërkohërvirusi tashmë po shpërndahet gjerësisht në botë. Rastet e shënuara mbërrijnë në 82 mijë, nga të cilët 650 në Itali. Sipas buletinit të fundit, në këtë vend janë shënuar 17 viktima, ndërsa 45 persona janë shëruar. Parashikohet që të hënën më 2 Mars, katedralja Duomo të hapet në Milano vetëm për turistët, por ende jo për kryerjen e meshave. Biletaritë do të qëndrojnë të mbyllura dhe pagesat do të kryhen vetëm online.
Kujtojmë që vizitat në Itali kanë qenë burim për infektim me koronavirus për qytetarë nga disa vende të Europës si: Maqedonia, Kroacia, Austria, Danimarka dhe Greqia./ Opinion.al
