Guvernatori i Nju Jorkut, Andrew Cuomo i ka bërë sot thirrje qeverisë federale për furnizime mjekësore, duke paralajmëruar se gjendja e Covid-19 në shtetin e tij do të jetë më e keqe nga sa parashikohej.
“Kulmi i kurbës është më i lartë se sa kemi menduar dhe është më i shpejtë seç kemi menduar,” u tha Cuomo gazetarëve të martën.
Ai tha se qeveria federale nuk po dërgonte pajisje të mjaftueshme për të luftuar krizën, duke përmendur se shtetit i duhen 30,000 respiratorë.
Nju Jorku tani ka mbi 25,000 raste të konfirmuara me koronavirus dhe të paktën 210 viktima.
“Ne kemi nevojë për ndihmë federale dhe kemi nevojë për ndihmën federale tani,” tha Cuomo.
Guvernatori shpërtheu ndaj 400 respiratorëve të dërguar në Nju Jork nga Agjensia Federale e Menaxhimit të Emergjencave të SHBA.
“Katërqind respiratorë? Unë kam nevojë për 30,000 respiratorë. Ju dëshironi një falenderim se keni dërguar 400 respiratorë? … Ju nuk po e kuptoni madhësinë e problemit.”, tha ai.
Me 25.665 raste në Nju Jork, shteti përbën më shumë se gjysmën e të gjitha infeksioneve në SHBA.
Cuomo vuri në dukje se kurba nuk ishte “rrafshuar” në shtetin e tij që domethënë se shkalla e infeksioneve mund të kolapsojë sistemin e kujdesit shëndetësor. Nju Jork mund të ketë nevojë deri në 140,000 shtretër spitalor në një skenar të rastit më të keq, tha ai. /Opinion.al
