Autoritetet shëndetësore në Greqi kanë njoftuar se gjatë 24 orëve të fundit janë regjistruar 716 raste të reja me koronavirus, 7 prej të cilave u identifikuan pas kontrolleve në pikat kufitare të vendit.
Sipas njoftimit bëhet me dije se numri i përgjithshëm i rasteve është 154796, prej të cilave 52.1% janë burra.
Ndërkaq, ndër të tjera bëhet me dije se 18 persona kanë humbur jetën, duke e çuar numrin e viktimave në 5742 persona që nga fillimi i pandemisë.
Mosha mesatare e qytetarëve që kanë humbur jetën nga koronavirusi është 79-vjeç dhe 95.5% prej tyre kishin disa sëmundje bashkëshoqëruese.
Deri më tani 268 persona po trajtohen në terapi intensive në spitalet COVID në Greqi, teksa njoftohet se mosha e tyre mesatare është 68 vjeç./Opinion.al
